गौरमा प्रहरीको गोली लागेर एक युवकको मृत्यु

८ भदौ, गौर । रौतहटको गौरमा प्रहरीको गोली लागेर एक युवकको मृत्यु भएको छ ।

निषेधाज्ञा तोड्दै प्रदर्शनमा उत्रिएपछि प्रहरीले मंगलबार दिउँसो गोली चलाएको थियो । गोली लागि मोछिया गाविसका २० वर्षीय राजकिशोर ठाकुर गम्भीर घाइते भएका थिए ।

उनको पेटमा गोली लागेको प्रत्यक्षदर्शीले बताएका छन् । उपचारका लागि वीरगञ्ज लैजाँदै गरेका उनको बाटैमा मृत्यु भएको रौतहट जिल्ला अस्पतालका डा. कृष्ण साहले जानकारी दिए ।

स्थानीय प्रशासनले दंगाग्रस्त क्षेत्र घोषणा गर्दै ५ जना भन्दा धेरै जम्मा हुन रोक लगाए पनि सय-डेढसय जना आन्दोलनकारी करबिर चोकमा भेला भएर प्रदर्शन गरेका थिए ।

प्रदर्शनकारी प्रहरीमाथि ढुंगा प्रहार गर्दै अघि बढ्न थालेपछि बल प्रयोग गर्नुपरेको प्रमुख जिल्ला अधिकारी मदन भुजेलले अनलाइनखबरलाई जानकारी दिए ।

गौरमा प्रहरीको गोली लागेर एक युवकको मृत्यु

गौरमा प्रहरीको गोली लागेर एक युवकको मृत्यु

Source: online Khabar